ჟურნალმა National Geographic-მა თავისი ტრადიციული ფოტოკონკურსის შედეგები შეაჯამა და 2018 წლის საუკეთესო ნამუშევრები გამოავლინა.
გამოცემის მთავარი პრიზი გადაეცა ამერიკელ ფოტოგრაფს იასენ ტოდოროვს ნამუშევრისათვის, რომელიც მან კალიფორნიის უდაბნოში გადაიღო. ფოტოზე გამოსახულია ასაფრენი ზოლის მახლობლად Audi-სა და Volkswagen-ის მარკის ათასობით პარკირებული ავტომობილი. ეს ის ავტომობილებია, რომლებიც ე.წ. დიზელგეიტის სკანდალის შედეგად, ავტომწარმოებლებმა მფლობელებისგან გამოისყიდეს.
„დიზელგეიტის“ სკანდალი აშშ-ის გარემოს დაცვის სააგენტოს (EPA) დასკვნას მოჰყვა, რომელმაც დაადგინა, რომ 2009-2015 წლებში წარმოებული Audi-სა და Volkswagen-ის მოდელების ელექტრონული სატესტო სისტემები ტყუოდნენ და მავნე გამონაბოლქვის რეალურზე დაბალ მაჩვენებლებს აფიქსირებდნენ.
გარდა მთავარი პრიზისა და პირველი ადგილისა, ფოტოს ავტორს კატეგორიაში „ადგილები“ ფულადი ჯილდო – 5000 $ გადაეცა.
ჟურნალ National Geographic-მა წლის სხვა საუკეთესო ფოტონამუშევრებიც დაასახელა:
