ქალაქების ხიბლი მის მრავალფეროვნებაშია, მრავალფეროვნებას კი განსხვავებული ხალხი, კულტურა, ცხოვრების წესი და კულინარია ქმნის. თბილისი ტრადიციულად მულტიკულტურული ქალაქია, სადაც ერთმანეთის გვერდით ცხოვრობს და ერთმანეთს თავ-თავინთ წესებს, სამზარეულოსა და ღირებულებებს სხვადასხვა ეთნიკური წარმომავლობის ხალხი უზიარებს.
გადავწყვიტეთ გაგაცნოთ საინტერესო აზიური რესტორნები, რომლებიც თბილისის სხვადასხვა უბანში მდებარეობს და სხვადასხვა კულინარიულ თავგადასავალს გთავაზობთ.
თბილისში ორ მისამართზე, აღმაშენებლის გამზირსა და გაგარინის მოედანზეა წარმოდგენილი და ტრადიციული, ინდური სამზარეულოსთვის დამახასიათებელ კერძებს გთავაზობთ: ხორცის მინიმალური რაოდენობით, მდიდარს ბოსტნეულითა და სანელებლებით. თუ ამ რესტორანს ესტუმრებით, აუცილებლად გასინჯეთ ნამდვილი ინდური ჩაი.
ლიბანელი შეფმზარეულები იზრუნებენ თქვენს გამოკვებაზე. აქვე შეგიძლიათ მიირთვათ ახლად დაწურული ხილის წვენები. გასათვალისწინებელია ისიც, რომ რესტორნის მენიუ მრავლად შეიცავს ვეგეტარიანულ საკვებს.
საუკეთესო ადგილია ვეგეტარიანელებისთვის, ჰუმუსების, ფალაფელებისა და ჯანსაღი საკვების მოყვარულთათვის.
ტრადიციული თურქული საკვებისა და ტკბილეულის დიდი არჩევანია, აქ თურქულ ჩაისაც შემოგთავაზებენ. თუკი “ნასიმს” აღმაშენებელზე ესტუმრებით, მის სიახლოვეს არაერთ თურქულ რესტორანს და ტკბილეულის მაღაზიას აღმოაჩენთ და შეგიძლიათ იქაც შეაიროთ. .
რესტორანი სირაჯხანა ქართულ-სპარსული გასტრონომიით შთაგონებულ კონცეფციაზეა აგებული, რომელიც წინა საუკუნეების სპარსულ გავლენით არის შთაგონებული. რესტორანში ყველა კერძი ქართული ტრადიციული მეთოდებით არის წარმოდგენილი. ადგილი საინტერესოა არა მხოლოდ მისი სამზარეულოს, არამედ სივრცის გამოც. აქ საუკუნეების წინ თავად ორბელიანს და მის ოჯახს განთქმული ღვინის მარანი ჰქონდა. ისტორიის გასაგრძელებლად რესტორანში ღვინოების მრავალფეროვანი არჩევანია.
სწრაფი კვების ობიექტი, რომელიც აზიური კერძების მოყვარულებს სთავაზობს როგორც ატრიისა და ბრინჯის ფართო ასორტიმენტს, ასევე, მათი თქმით, ქალაქში ყველაზე გემრიელ სუშის. “ბანგკოკის” საკვები შეგიძლიათ მიირთვათ ადგილზე ან გამოიძახოთ თქვენთვის სასურველ მისამართზე.
