არის დღეები, როცა ძალიან გინდა რაიმე განსაკუთრებულს მიაკვლიო, უცნაური ნივთი აღმოაჩინო. ფუნქციონალურობა არაფერ შუაშია. აი გინდა რაღაც სრულიად არაპრაქტიკული და სახალისო, მოკლედ – რაღაცნაირი. ეს სია სწორედ ამ დღეებისთვისაა.
ყველა ნივთი თბილისშია და მათი ნახვა „ბაიერსის“ სადემონსტრაციო დარბაზში შეგიძლიათ. ონლაინ შეძენის შემთხვევაში ნივთს სახლში მოგიტანენ.
გასაბერი ჩარჩო მეფური სელფისთვის. გიყვართ სელფი? მე არა, მაგრამ თუ გადაღებაა, მხოლოდ მოოქრულ ჩარჩოს დავთანხმდები.
დონალდ ტრამპის სტიკერი მანქანისთვის THUMBS UP-ისგან არაკეთილსინდისიერი მძღოლების დასაფრთხობად. წარმოიდგინეთ, თქვენი მანქანის უკანა სავარძელზე ტრამპი ზის და გელაპარაკებათ. ბრრრრ! რამდენად დიდი სიამოვნებაა ტრამპთან ერთად მანქანით გასეირნება სადავო საკითხია, მაგრამ თბილისური მოძრაობის ქაოსში შესაძლოა ფრიად გამოსადეგი ხრიკი იყოს.
კისრის გამათბობელი ფლამინგო FIREBOX-ისგან. აი რას არ მოიგონებენ! მას შემდეგ, რაც კისრის გასათბობად მელიის კუდის გამოყენება ძალზედ ცუდი ტონი გახდა, ფლამინგო მაინც შემოვიხვიოთ. თანაც შესანიშნავად გაგვათბობს, თან ცხოველთა დაცვაზე მცირე ლექციის წაკითხვის საბაბიც იქნება.
ბალიში ტაბლეტისთვის THUMBS UP-ისგან. ყველას უნდა სითბო და სიყვარული… და ბალიშიც. მათ შორის ჩვენს საყვარელ ტაბლეტსაც, რომელიც ამდენ სიხარულს გვანიჭებს. წამოწვეს ეგეც ხანდახან, დაისვენოს.
იუნიქორნის ნიღაბი THUMBS UP-ისგან ხმაურიანი მეზობლების შესაშინელად. ამ ნიღბით ბავშვების გართობას არ გირჩევთ. არა მგონია, კენტავრის ეს მოდიფიცირებული ვერსია მათ კარგად მიიღონ. ადამიანი ცხენის ნატურალური ზომის თავით, თუნდაც ეს თეთრი, იისფერთმიანი არსება იყოს, ოქროსფერი რქით, უფრო სხვა ზღაპრიდან მგონია. სამაგიეროდ, თუ ურჩი მეზობლები გყავთ, მათთან ღამეული ვიზიტი ამ თავთან ერთად, რამდენიმე დღის სიჩუმის გარანტია იქნება. თუ ხმაურიანი მეზობელი თქვენ ხართ, მაშინ პოლიციას კარი ამ ნიღაბში გაუღეთ. დამატებით კითხვებს აიცილებთ თავიდან.
