დილა მშვიდობისა!
დღეს დილიდან გაცნობებთ, რომ ფრანკფურტის უნივერსიტეტში შოთა რუსთაველის სახელობის კაბინეტი გაიხსნა. გარდა ამისა, პირველები გაიგებთ, რომელი ფილმებით წარსდგება საქართველო შანხაის წლევანდელ კინოფესტივალზე.
გოეთეს სახელობის ფრანკფურტის უნივერსიტეტის ენათმეცნიერების ინსტიტუტში შოთა რუსთაველის სახელობის კაბინეტი გაიხსნა. ფრანკფურტის უნივერსიტეტში რუსთაველის კაბინეტი გახსნეს უნივერსიტეტის ვიცე-პრეზიდენტმა, პროფესორმა როლფ ფან დიკმა, საქართველოს გენერალურმა კონსულმა ფრანკფურტში ლევან დიასამიძემ, შოთა რუსთაველის საქართველოს ეროვნული სამეცნიერო ფონდის გენერალურმა დირექტორმა, პროფესორმა ზვიად გაბისონიამ, პროფესორმა იოსტ გიპერტმა და პროფესორმა მანანა თანდაშვილმა. დღეისათვის ბიბლიოთეკაში პოემის 50-მდე თარგმანია წარმოდგენილი.
ფოტო: http://3.bp.blogspot.com/
“დავით თათვიძემ მერვე პარტიაშიც დამაჯერებლად გაიმარჯვა და ერთი ტურით ადრე მოიპოვა 7 წლამდე ასაკის მოსწავლეთა შორის ევროპის ჩემპიონის ტიტული”, – აღნიშნულია ფედერაციის ფეისბუქის გვერდზე.
წყარო: https://www.facebook.com/
15-25 ივნისს აზიაში ერთ-ერთი ყველაზე მნიშვნელოვანი კინომოვლენა – შანხაის საერთაშორისო კინოფესტივალი გაიმართება. ჩვენმა მკითხველმა უკვე იცის, რომ ფესტივალის მთავარ საკონკურსო პროგრამაშია გერმანიაში მოღვაწე ქართველი რეჟისორის – დიტო ცინცაძის ფილმი “ჩაისუნთქე-ამოისუნთქე”.
რაც შეეხება სხვა ქართულ სურათებს, ფილმების კვირეული THE BELT AND ROAD ფესტივალის ფარგლებში არაერთ კინოჩვენებას უმასპინძლებს. მათ შორის იქნება თინათინ ყაჯრიშვილის ფილმი “ჰორიზონტი”. გარდა ამისა ფესტივალების წარმომადგენლებისა და დისტრიბუტორებისთვის კიდევ ერთი ქართული ფილმის ჩვენება შედგება – რეალური ამბავი 2008 წლის რუსეთ-საქართველოს ომის გმირებზე დიტო ცინცაძის ფილმში “შინდისი” შანხაიში გაცოცხლდება.
ფოტო: https://m.media-amazon.com/
ამერიკის ფედერალური ავიაციის ინფორმაციით, გარდაიცვალა მფრინავი, რომელიც ბორტზე მარტო იმყოფებოდა. ცათამბჯენზე გაჩენილი ხანძრის გამო პილოციამ რამდენიმე ქუჩა გადაკეტა.
წყარო: https://edition.cnn.com/
ღონისძიებას გახსნის გიგა ზედანია. დისკუსიის მოდერატორია თამარ გურჩიანი. დისკუსანტები იქნებიან ილიაუნის პროფესორები: გოგი გვახარია, ლევან ბერძენიშვილი, თამარ ცოფურაშვილი, თამარ ცხადაძე, მალხაზ სონღულაშვილი, თეო ხატიაშვილი, გიორგი მაისურაძე.
წყარო: https://www.facebook.com/
ახალი კონსოლები სპეციალურად Xbox-ისთვის დამზადებული პროცესორებით იქნება აღჭურვილი, რაც მას წინამორბედ მოდელზე ოთხჯერ უფრო ძლიერს გახდის. გარდა ამისა, ახალ კონსოლს 8k-ვიდეოფორმატის, Ray Tracing-ისა და წამში 120-მდე კადრის მხარდაჭერა ექნება.
წყარო: https://edition.cnn.com/
მხოლოდ ქართულის გამარჯვებული სოფო ბათილაშვილი ყველაზე მასშტაბური კონცერტისთვის ემზადება. 28 ივნისს კომპანია ბრავო რექორდსი და რუსთავი 2 სპორტის სასახლეში სოფო ბათილაშვილის სადებიუტო ალბომის საპრეზენტაციო, გრანდიოზულ კონცერტს გამართავენ. გარდა ალბომში შესული სიმღერებისა, კონცერტზე ყველასათვის საყვარელი სიმღერების ახლებური ვერსიებიც შესრულდება.
ფოტო: http://www.newposts.ge/
წყარო: https://www.instagram.com/
