25 ივნისი დილიდან 

დილა მშვიდობისა!

თბილისში რამდენიმე დღეა საპროტესტო აქციები გრძელდება. რუსეთის მიერ დაწესებულ ტურისტულ ემბარგოს კი ქართველი ვარსკვლავები პასუხობენ და კამპანიას – #იმოგზაურესაქართველოში უერთდებიან. მათ შორის არიან ზაზა ფაჩულია და გურამ კაშია.

კალათბურთელი ზაზა ფაჩულია კამპანიას – #იმოგზაურესაქართველოში შეუერთდა.

მან ფეისბუქსა და ინსტაგრამზე საქართველოს სხვადასხვა ტურისტული ადგილის ფოტოები გამოაქვეყნა და ფანები ქვეყანაში დაპატიჟა.

წყარო: https://www.facebook.com/

საქართველოს საფეხბურთო ნაკრების ვიცე-კაპიტანი გურამ კაშია რუსეთის მიერ დაწესებულ ტურისტულ ემბარგოს ეხმაურება და ინსტაგრამის გვერდზე აუდიტორიას საქართველოში მოგზაურობისკენ მოუწოდებს

View this post on Instagram

I’ve travelled all around the world and I’ve crossed many seas, but nothing comes even close to Georgian food. I swear, you won’t know what’s hit you. Beautiful architecture by the sea in Batumi in the summer, and skiing in winter! Georgia is perfect for every season! My Dutch friends: go to Georgia to finally see a proper mountain 🏔 (Even though I love your flat country). Have you been to Georgia? Leave your experiences in the comments! ⬇ Tag someone who needs to visit Georgia ⬇ Ps. Legend says your Captain’s shirt is cheap over there 🤫 #spendyoursummeringeorgia🇬🇪

A post shared by Guram Kashia (@37gk) on Jun 24, 2019 at 8:02am PDT

 “მთელ მსოფლიოში მიმოგზაურია, მაგრამ ქართულ სამზარეულოსთან ახლოს ვერც ერთი მივა. გეფიცებით, თქვენ არც კი იცით, რა გელით. ლამაზი არქიტექტურა ბათუმის ზღვისპირეთში და სრიალი მთის კურორტებზე. საქართველო ყველა სეზონზე საუკეთესოა. ჩემო ჰოლანდიელო მეგობრებო, იმოგზაურეთ საქართველოში და ნახეთ ნამდვილი მთები”, – წერს კაშია.

წყარო: https://www.instagram.com/

მწერალთა სახლი გაუქმდა.

მწერალთა სახლის უფლებამონაცვლედ გამოცხადდა ქართული ლიტერატურის ეროვნული ფონდი – ინფორმაცია მწერალთა სახლის ფეისბუქის გვერდზე გავრცელდა.

წყარო: https://www.facebook.com

შონ პენი შვილებთან ერთად ფილმს გადაიღებს და თავადაც ითამაშებს

შონ პენი ახალი დრამის, Flag Day-ის გადაღებას გეგმავს, სადაც მისი შვილებიც – დილან და ჰოპერ პენებიც ითამაშებენ. ფილმში ასევე ვიხილავთ ჯოშ ბროლინს, ბეილი ნობლის, მაილს ტელერის, კეტრინ ვინიკს და სხვებს. ფილმის  სიუჟეტი ჯენიფერ ვოგელის 2005 წელს გამოცემულ რომანს – Flim-Flam Man: The True Story of My Father’s Counterfeit Life-ს დაეყრდნობა.

წყარო: https://variety.com/

ჯეიკ ჯილენჰოლმა უიტნი ჰიუსტონის სიმღერა შეასრულა. 

ვიდეო: https://www.youtube.com/

როზამუნდ პაიკი ამაზონის Sci-Fi სერიალში მთავარ როლს ითამაშებს

ამაზონი ახალ სერიალს – The Wheel of Time-ს იღებს, რომელიც რობერტ ჯორდანის ფენტეზის ჟანრის ნოველის ტელეადაპტაცია იქნება. სერიალში მთავარ როლს ინგლისელი მსახიობი როზამუნდ პაიკი ითამაშებს. The Wheel of Time ეპიკურ სამყაროს გვთავაზობს, რომელშიც მაგია არსებობს და მისი გამოყენების შესაძლებლობები მხოლოდ ქალებს აქვთ. ეს კი იმას ნიშნავს, რომ ძალაუფლებაც მათ ხელშია. 

ამბის მთავარი გმირი მორაინეა, რომელიც ქალთა გავლენიანი, საიდუმლო ორგანიზაციის, ეის-სედაის წევრია. ის მსოფლიოში საშიშ მოგზაურობას იწყებს ხუთ ადამიანთან ერთად, რომელთა შორის კაცებიც არიან. მორაინე ამ ხუთი პიროვნებითაა დაინტერესებული, რადგან სჯერა, რომ რომ მათგან ერთ-ერთი შესაძლოა იმ ადამიანის რეინკარნაცია იყოს, რომელსაც ძალიან დიდი ძალა აქვს. წინასწარმეტყველებაში ნათქვამია, რომ ამ ძალით ის ან დაიცავს კაცობრიობას, ან გაანადგურებს მას.

წყარო: https://www.hollywoodreporter.com/

ნორვეგიის ერთ-ერთ კუნძულზე დროის გაუქმებას ითხოვენ

ქვეყნის ერთ-ერთი კუნძულის, Sommarøy-ის მცხოვრებლები დროის გაუქმებას და ამ ადგილის „დროისგან თავისუფალ“ სივრცედ აღიარებას ითხოვენ. კუნძულზე, სადაც ზამთარში მზე არ ამოდის და ზაფხულში არ ჩადის, ამბობენ, რომ დრო ისე არ „მუშაობს“, როგორც დანარჩენ მსოფლიოში. ამიტომ თავად უნდა გადაწყვიტონ, როდის რა გააკეთონ. სხვა ქვეყნებში მიღებული რეგულარული სამუშაო საათები კი მათთვის არარელევანტური, მეტიც, უბრალოდ ზედმეტია.

წყარო: https://time.com/