6 სექტემბერი დილიდან 

ქართველმა მოსწავლე ნიკა ბირკაძემ ინფორმატიკის საერთაშორისო ოლიმპიადაზე მე-4 ადგილი დაიკავა

საქართველოს ნაკრებმა 2 ოქროს მედალი მოიპოვა. ბირკაძესთან ერთად ოქროს მედალოსანი გახდა კიდევ ერთი კომაროველი გიორგი კლდიაშვილი, რომელიც 342 მონაწილეს შორის 16 საუკეთესოში მოხვდა. ნიკა ბირკაძე კი მსოფლიოს საუკეთესო ოთხეულშია ერთ ამერიკელთან და ორ ჩინელთან ერთად. 

წყარო: https://www.facebook.com/

American Horror Story-ის მერვე სეზონის პირველი ტრეილერი გამოვიდა.

წყარო: https://www.youtube.com/

კომპანია ნეტფლიქსმა 2011 წელს ნორვეგიაში მომხდარ ტერაქტებზე გადაღებული ფილმის, 22 July-ის პირველი ტრეილერი გაავრცელა.

წყარო: https://www.youtube.com/

ლოს-ანჯელესის პროკურატურის განცხადებით, მსახიობ კევინ სპეისის სექსუალური შევიწროების საქმეზე ბრალს ვერ წაუყენებენ

გადაწყვეტილების მიზეზი დანაშაულის ხანდაზმულობა გახდა, რადგან აღნიშნული საქმე 25 წლის წინ მომხდარ ამბავს ეხებოდა. საბოლოო ჯამში, მსახიობს სექსუალურ ძალადობასა და შევიწროებაში 30-ზე მეტი ადამიანი ადანაშაულებს. მათ შორის არის ბოლო სამი საქმე, რომელსაც სკოტლანდ იარდი იკვლევს. სავარაუდო დანაშაულები 1996 წლიდან 2013 წლის ჩათვლით მოხდა.

წყარო: https://www.theguardian.com/

რეჟისორმა იარგოს ლანთიმოსმა ახალ ფილმი The Favourite გადაიღო, რომელშიც მთავარ როლებს ემა სტოუნი, რეიჩელ უაისი და ოლივია კოლმანი ასრულებენ

ფილმი სტიუარტების დინასტიის უკანასკნელი დედოფლის – ანას პერიოდში მომხდარ პოლიტიკურ ინტრიგებზე მოგვითხრობს.

წყარო: https://www.youtube.com/

ნეტფლიქსის ანიმაციური სერიალი Bojack Horseman მეხუთე სეზონით 14 სექტემბერს ბრუნდება. უყურეთ ახალი სეზონის ტრეილერს:

წყარო: https://www.youtube.com

Héctor Oaks BASSIANI-ს არტისტების სააგენტოს შეურთდა

“ჩემთვის დიდი  მოტივაციაა ამ ახალი ეტაპის დაწყება BASSIANI-ს გამორჩეულ და პროფესიონალ გუნდთან ერთად”, – წერს DJ ფეისბუქზე. როგორც მუსიკოსი ამბობს, მისი წარმომადგენელი საქართველოში ლევან კიზირია იქნება.

წყარო: https://www.facebook.com/

იაპონიის დედაქალაქ ტოკიოსა და ქალაქ ჰოკაიდოში ქართული ღვინის წარდგენა-დეგუსტაციები გაიმართა

ქართული ღვინის დეგუსტაციებს Red Bridge-ის ხელმძღვანელი, ღვინის მაგისტრი კენიჩი ოჰაში და იაპონიის საუკეთესო სომელიეთა მე-3 კონკურსის გამარჯვებული მაკოტო აბე უძღვებოდნენ. ქართული ღვინის დეგუსტაციებს სხვადასხვა ქალაქიდან ჩამოსული სომელიეები, დისტრიბუტორები, რესტორნებისა და სასტუმროების წარმომადგენლები, სულ 130-მდე ადამიანი დაესწრო. ტოკიოში ასევე გაიმართა ქართული ღვინისა და აზიური კერძების შეხამების ვახშამი.

წყარო: https://www.facebook.com/

16-22 სექტემბერს ქუთაისის ოპერისა და ბალეტის სახელმწიფო თეატრში ქუთაისის პირველი საერთაშორისო საოპერო ფესტივალი გაიმართება

ფესტივალი ქუთაისის ოპერისა და ბალეტის პროფესიული სახელმწიფო თეატრისა და საზღვარგარეთ მოღვაწე ქართველი მომღერლის, დავით ღვინიანიძის საერთაშორისო ფონდის, „მსოფლიო ტალანტების“ ერთობლივი პროექტია და მისი მხარდამჭერები არიან ქუთაისის მუნიციპალიტეტის მერია და ქუთაისის კულტურულ დაწესებულებათა გაერთიანება.

ფესტივალის შემოქმედებითი სტუმრები იქნებიან მსოფლიოში აღიარებული უცხოელი და ქართველი მუსიკოსები – თამარ ივერი, რაულ მელო, მარია პახარი, ლარისა ანდრეევა, ალექსანდრ კირეევი, კონსტანტინე სუჩკოვი, სულხან გველესიანი, მარიკა მაჩიტიძე, ირაკლი მურჯიკნელი, გიორგი ცინცაძე, აკაკი იოსელიანი.