31 ოქტომბერი დილიდან 

საქართველო ოსკარისა და ოქროს გლობუსის კამპანიას იწყებს

სულ ცოტა ხნის წინ ცნობილი გახდა, რომელი ქართული ფილმი იბრძოლებს ოსკარისა და ოქროს გლობუსის საუკეთესო უცხოენოვანი ფილმის ნომინაციისთვის. სპეციალურმა კომისიამ წელს არჩევანი გააკეთა ზაზა ხალვაშის ფილმზე „ნამე”. რამდენიმე დღეში ქართული მხარე საქართველოს კანდიდატ ფილმს უცხოელ კოლეგებს წარუდგენს.

ოსკარისა და ოქროს გლობუსის კამპანიის ფარგლებში „ნამეს” პირველი ოფიციალური ჩვენება ლოს-ანჯელესში 7 ნოემბერს გაიმართება. დამატებით 2 ჩვენებას კი EFP (European Film Promotion) 11 და 15 ნოემბერს გაუწევს ორგანიზებას. ჩვენებებს ამერიკის კინოაკადემიის წევრები, საერთაშორისო შესყიდვების მენეჯერები, კინოსფეროს წარმომადგენლები და ცნობილი უცხოური გამოცემების ჟურნალისტები დაესწრებიან. ფილმის წარსადგენად ლოს-ანჯელესში „ნამეს” რეჟისორი ზაზა ხალვაში და ფილმში მთავარი როლის შემსრულებელი – მარისკა დიასამიძე გაემგზავრებიან.

წყარო: http://www.gnfc.ge/

პირველ ნოემბერს გაიმართება არტარეას ლექციების სერიის – „ქართულად” მეორე შეხვედრა საბას ლაურეატებთან, ბესიკ ხარანაულთან და დიანა ანფიმიადთან თემაზე „ფიქრი ქართულად”.

წყარო: https://www.facebook.com/

თბილისში 10 ნოემბერს ქუჩის მუსიკის დღე გაიმართება

ეს არის ფესტივალი მუსიკოსებისა და ბენდებისთვის, მათთვის, ვინც უკრავს, მღერის და ქმნის ნებისმიერი ჟანრის კომპოზიციას.

ქართული წიგნის ეროვნული ცენტრის ხელშეწყობით გერმანულ ენაზე ითარგმნა და გამომცემლობა Leipziger Literaturverlag-ის მიერ გამოიცა ჰაგიოგრაფიული ნაწარმოებების კრებული – იაკობ ცურტაველის „შუშანიკის წამება“, იოანე საბანისძის „აბო თბილელი“ და „ევსტათი მცხეთელის მარტვილობა“

წყარო: https://www.facebook.com/

არეტა ფრანკლინის გარდაცვალებიდან 3 თვის შემდეგ მომღერლის თაყვანისმცემლებს საშუალება ეძლევათ, მისი პირადი ნივთების მფლობელები გახდნენ

ნიუ-იორკში, ჯულიანის აუქციონზე ლეგენდარული მომღერლის პირად ნივთებს გაიტანენ. მათ შორის იქნება კაბები, თავსაბურავები, ფეხსაცმელი და სხვა ნივთები.

წყარო: https://newyork.cbslocal.com/

პირველ  ნოემბერს გაიმართება პრეზენტაცია ირაკლი ჩარკვიანის ავტორომანისა  „მშვიდი ცურვა“

ღონისძიებაზე  სტუმრების წინაშე სიტყვით წარდგებიან ქეთათო ჩარკვიანი და გელა ჩარკვიანი. გაიმართება ჩვენება მხატვრული ფილმისა „მშვიდი ცურვა“.

წყარო: https://www.facebook.com/

2 ნოემბერს კლუბი “მტკვარზე” პოპულარულ ბერლინელ დიჯეის, Evan Baggs-ს მასპინძლობს

მუსიკის უბადლო სელექტორის მრავალსაათიანი სესიები ჟანრის მოყვარულთათვის კარგად ცნობილ “ვიზიონერსა” და “პანორამა ბარში” დაუვიწყარ დღესასწაულად იქცა მათთვის, ვისაც მის ივენთებზე დასწრების შესაძლებლობა მიეცა.

წყარო: https://www.youtube.com/

Pokemon Go-ს გამოშვებიდან ორი წლის შემდეგ კათოლიკურმა ჯგუფმა პოპულარული თამაშის საკუთარი ვერსია შექმნა

Follow JC Go თამაშის ორიგინალური ვერსიის მსგავსად GPS-სა და ვირტუალურ რეალობას იყენებს, თუმცა სხვადასხვა პოკემონების ნაცვლად, მოთამაშეებმა წმინდანები და სხვა ბიბლიური პერსონაჟები უნდა იპოვონ.

წყარო: https://www.independent.co.uk