ჰაერის გამწმენდი Natede

ჰაერის გამწმენდი Natede სახლებისა და ოფისებისთვის განკუთვნილი ტექნოლოგიაა. მოწყობილობას მცენარის ქოთნის ფორმა აქვს. კონსტრუქციაში ინტეგრირებულია ფოტოკატალიზატორის ფილტრი, რომელიც დიდი ხნის განმავლობაში არ საჭიროებს გამოცვლას.

პროექტის ავტორების თქმით, „ჭკვიანი ქოთანი“ ჰაერში არსებული ორგანული ნივთიერებების 93%-ს ანეიტრალებს, ხოლო ვირუსების, ბაქტერიებისა და სუნის შემთხვევაში, 99%-ით ეფექტიანია.

მოწყობილობა კავშირშია მფლობელის სმარტფონში ინსტალირებულ შესაბამის პროგრამასთან, სადაც რეალურ დროში ხდება ჰაერის დაბინძურებისა და მისი გასუფთავების პროცესის მინიტორინგი.

საინტერესოა ისიც, რომ მომხმარებელს შეუძლია, „ჭკვიან ქოთანში“ მცენარეც დარგოს.

Natede ინოვაციური პროექტების პლატფორმა kickstarter.com-ზეა განთავსებული და მასობრივი წარმოებისათვის ინვესტიციების მოლოდინშია. თუმცა, მიიღება წინასწარი შეკვეთებიც. „ჭკვიანი ქოთანი“ 172$ ღირს.