9 ქართველი მუსიკოსი ქალის ახალი ვინილი – SLEEPERS POETS SCIENTISTS

16 იანვარს, აკაკი ხორავას სახელობის მსახიობთა სახლში, CES Records წარმოგიდგენთ მუსიკალურ დადგმას SLEEPERS POETS SCIENTISTS – ლეიბლის პირველი კომპილაციისთვის, რომელიც მოიცავს 9 ქალი მუსიკოსის კომპოზიციებს საქართველოდან.

SLEEPERS POETS SCIENTISTS გერმანიაში R.A.N.D Muzik-მა გამოსცა, რომლის ტირაჟიც 300 ეგზემპლარია. მისი შეძენა 16 იანვრიდან იქნება შესაძლებელი. მსურველებს კომპილაციის ტრეკების მოსმენა ონლაინაც შეუძლიათ.

პორტალ Bankcamp-ზე რელიზის აღწერაში ვკითხულობთ: “Sleepers Poets Scientists საოჯახო ალბომს წააგავს, ბევრი სურათებით – ზოგი ფერმკრთალი, ზოგიც შავ-თეთრი, ფერადი ან დეფორმირებულია”.  

შემოქმედებითი განათლების სტუდია CES წარმოადგენს დიზაინის, აუდიო-ვიდეო და მუსიკის შემოქმედებით მედია სკოლას, რომელიც მსურველებს ხმის ინჟინერიაში, გრაფიკულ დიზაინსა და სხვა კრეატიულ დისციპლინებში სპეციალურ კურსებს სთავაზობს.

პროექტ SLEEPERS POETS SCIENTISTS-ში მონაწილეობენ:

• ანუშკა ჩხეიძე
• sTia ნათია სართანია
• ქეთი ერისთავი
• დეა ბეჟუაშვილი
• ეთო გელაშვილი
• თამთა გვარლიანი
• ანი ზაქარეიშვილი
• ნაზი ჭავჭავაძე
• ნატალია ბერიძე

რეჟისორი: ნიკა მაჩაიძე

16 იანვრის მუსიკალურ დადგმაზე დასწრება თავისუფალია.
მისამართი: აკაკი ხორავას სახელობის მსახიობთა სახლი,  ლეონიძის 11