6 აგვისტო დილიდან 

დამთვალიერებელთა ნაკადის ზრდის გამო ლუვრში შეზღუდვები დაწესდა

მუზეუმში მოხვედრა მხოლოდ წინასწარ, ელექტრონულად დაჯავშნის შემთხვევაში იქნება შესაძლებელი. ადგილობრივი მედია ახალი რეგულაციის მიზეზად მუზეუმში მიმდინარე სამუშაოებსაც ასახელებს, რის გამოც მთავარ ექსპონატს, ლეონარდო და ვინჩის „მონა ლიზას“ დროებით ადგილი შეუცვალეს. ის ლუვრის რიშელიეს ფრთაში დაკიდეს.

წყარო: https://www.thelocal.fr/

ქართული კრივის ისტორიაში პირველად თბილისი ევროპის ჩემპიონატს მასპინძლობს.

საქართველოს მსოფლიოს სხვადასხვა ქვეყნიდან 30 ნაკრები ეწვია. მოკრივეები მედლებისთვის ერთი კვირის განმავლობაში იბრძოლებენ. ევროპის ჩემპიონატი 11 აგვისტოს დასრულდება.

წყარო: https://www.facebook.com

ნიკოლოზ ბასილაშვილმა მონრეალის მასტერსზე პირველი წრე მოიგო

ქართველი ჩოგბურთელის მეტოქე სერბი დუშან ლაიოვიჩი იყო, რომელიც მსოფლიო კლასიფიკაციაში 28-ე ადგილზეა. საკმაოდ მძიმე შეხვედრა ბასილაშვილმა სამ სეტში მოიგო. მეორე წრეში ბასილაშვილი გერმანელ იან-ლენარდ შტრუფს შეხვდება. 

წყარო: https://1tv.ge/

7 აგვისტოდან ქართული სახვითი ხელოვნების მუზეუმი ქეთი დავლიანიძის ნახატების გამოფენას უმასპინძლებს

ექსპოზიცია სახელწოდებით “აფხაზეთი“ აგვისტოს ომის მე-11 წლისთავს ეძღვნება. ავტორს აფხაზეთთან პირადი ისტორია აკავშირებს. ქართული სახვითი ხელოვნების მუზეუმში ქეთი დავლიანიძის ნახატების გამოფენა 7-დან 14 აგვისტომდე გაგრძელდება.

ჯულიანა მური სტივენ კინგის მიერ დაწერილ სერიალში მთავარ როლს შეასრულებს.

სერიალი Apple-ის ახალ სტრიმინგ-სერვისზე გავა და მას რეჟისორი ჯეი ჯეი აბრამსი გადაიღებს. 8-ეპიზოდიანი შოუ კინგის მიერ 2006 წელს დაწერილი ჰორორის ჟანრის რომანის ადაპტაცია იქნება. 

წყარო: https://www.hollywoodreporter.com

ფეისბუქი ინსტაგრამსა და WhatsApp-ს სახელს უცვლის.

Instagram-ს სახელი გადაერქმევა და ის Instagram from Facebook გახდება, იგივე ბედს გაიზიარებს WhatsApp-იც, რომელიც მალე WhatsApp from Facebook-ის სახელით მოგვევლინება. ამ ეტაპზე უცნობია როდიდან დაიწყებს კომპანია ცვლილებების დანერგვას. 

წყარო: https://www.theverge.com/