სასურველი ფორმის მისაღებად და შესანარჩუნებლად ბევრი გზა არსებობს: ფიტნესი, იოგა, ჯანსაღი კვება, წყლის ბალანსის შენარჩუნება, სპორტის სხვადასხვა სახეობები, სრულფასოვანი ძილი და წონის კონტროლი.
გადატვირთული დღის რეჟიმისა და ორგანიზაციული სირთულეების გამო მარტივი არ არის, სისტემატურად ფიქრობდე იმაზე, როგორ იზრუნო შენს სხეულზე სწორად. აპლიკაციების დეველოპერები უკვე წლებია ცდილობენ შექმნან ისეთი პროდუქტები, რომლებიც ჯანსაღი წესის შენარჩუნებაში დაგვეხმარებიან და გაგვიმარტივებენ საკუთარ თავზე ზრუნვის რუტინას.
გთავაზობთ რამდენიმე მარტივ პრინციპს და სხვადასხვა მიმართულების აპლიკაციებს, რომელთა ყოველდღიურად გამოყენება მკვეთრად დაგეხმარებათ საკუთარი სხეულის მოვლაში.
წყლის ბალანსის დაცვა ორგანიზმისთვის სასიცოცხლოდ მნიშვნელოვანია. რამდენი ლიტრი წყალი უნდა დავლიოთ დღის განმავლობაში – ამ კითხვაზე სხვადასხვანაირ პასუხს მოისმენთ. ადამიანთა ნაწილი თვლის, რომ 1,5 ლიტრი სრულიად საკმარისია. იაპონელი მეცნიერები ამტკიცებენ, რომ დღე-ღამეში ორგანიზმის შინაგან სისტემებს გამართული ფუნქციონირებისათვის არანაკლებ 3 ლიტრი წყალი ესაჭიროება. სინამდვილეში ორგანიზმისთვის წყლის საჭირო ოდენობა დამოკიდებულია ადამიანის წონაზე, ასაკზე, ფიზიკურ აქტივობაზე, კლიმატზე, საცხოვრებელ ადგილზე და ჯანმრთელობის მდგომარეობაზე.
თქვენთვის საჭირო წყლის რაოდენობის გამოთვლასა და ყოველდღიურად ამ ოდენობის წყლის მისაღებად რეკომენდებულია შემდეგი აპლიკაციები:
Watterlogged
Daily Water
My Water Balance
30 Day Fitness Challenge
ერთთვიანი პროგრამა დაგეხმარებათ დაუწესოთ თქვენს თავს ვარჯიშის ჩვევა.
8Fit – Fit for you
ეს აპლიკაცია დაგეხმარებათ როგორც ვარჯიშში, ასევე ისეთი საკვების მომზადებაში, რომელიც წონის მატებას არ გამოიწვევს. აპლიკაცია 800-ზე მეტ ჯანსაღ რეცეპტს მოიცავს.
Betterme: Weight Loss Workouts
ამ აპლიკაციის მთავარი სიკეთე არის ის, რომ ვარჯიშებს თქვენი ფორმების შესაბამისად არჩევს. ნიშნავს პრობლემურ ზონებს სხეულზე და გირჩევთ ისეთ ვარჯიშებს, ამ ზონების კორექტირებაში რომ დაგეხმარებათ. Betterme-ს აპლიკაციების სერია აქვს და მათში სასურველი თქვენი საჭიროებების მიხედვით შეგიძლიათ აარჩიოთ: არის ცალკე აპლიკაცია კაცებისთვის, ასევე იოგას მოყვარულებისთვის, ძილის მოსაწესრიგებლად და მედიტაციისთვის.
ფეხით სიარული კარგია როგორც წონის დასაკლებად და შესანარჩუნებლად, ასევე გულ-სისხლძარღვთა ჯანმრთელობისთვის, საკუთარ თავში სიმშვიდის საპოვნელად და შთაგონებისთვის. აპლიკაციები, რომლებიც ფეხით სიარულის დროს “თვალს გადევნებენ”, ითვლიან თქვენს ნაბიჯებს, გავლილ კილომეტრებს და იმახსოვრებენ მარშრუტებს. მათი გამოყენება ზრდის მოტივაციას, გაზარდოთ ფეხით სიარულის დრო და მოსინჯოთ ახალი სასეირნო ადგილები.
Weight Loss walking
Steppsapp pedomets
Map my Run
გაითვალისწინეთ, რომ თუ რაიმე გასაიდუმლოებულ ადგილებში გიწევთ სიარული, კარგად დაფიქრდით, ღირს თუ არა მისცეთ წვდომა თქვენს ტელეფონს GPS კოორდინატებზე. 2018 წლის დასაწყისში ერთ-ერთმა ფიტნეს აპლიკაციამ საიდუმლო სამხედრო ობიექტების შესახებ ინფორმაცია გახადა საჯარო.
ჯანსაღი კვება ჯანსაღი სხეულისკენ მიმავალ გზაზე ერთ-ერთი ყველაზე მნიშვნელოვანი კომპონენტია. იმისათვის, რომ საკვები თან გემრიელი იყოს, თანაც არამოსაწყენი და მრავალფეროვანი, სპეციალურად ამ მიზნით შექმნილი აპლიკაციები დაგეხმარებათ.
Weight loss meal plan app
გთავაზობთ მარტივად მოსამზადებელ რეცეპტებს და არჩეული კერძების მიხედვით შეგადგენინებთ საყიდლების სიას, რითაც ზოგავს თქვენს დროს და რესურსებს.
MyPlate Calorie Counte
ითვლის იმ საკვების კალორიებს, რასაც დღის განმავლობაში იღებთ და გთავაზობთ რეკომენდაციებს.
რევიუს თუ დავუჯერებთ, ეს აპლიკაცია დაგეხმარებათ თქვენი ორგანიზმის, სულისა და გონების განწმენდაში.
