3 აპრილი დილიდან

მსახიობი ვიკა კალანდია ნეტფლიქსის სერიალში მიიღებს მონაწილეობას.

ინფორმაციას ამის შესახებ მისი მეგობარი და კოლეგა ბახვა ბრეგვაძე ავრცელებს და წერს, რომ ვიკა მალე პიტერ ვებერის ისტორიულ დრამაში ეპიზოდურ როლს მოირგებს. 

წყარო: https://www.facebook.com/

Game Of Theones-ის ახალი ტიზერი გამოვიდა.

მართალია პრომო ერთწუთიანია, თუმცა მოახერხა და ფანებს კიდევ ერთხელ შეახსენა, რომ GOT-ში ხელშეუხებელი არავინაა. ტიზერი გვიანონსებს, რომ დიდი ალბათობით არია, ტირიონი, ჯონ სნოუ და ჯეიმი ლანისტერი დაბედისწერო ბრძოლას შეეწირებიან. ამას კი ომისგან განადგურებულ ვინტერფელში ძირს დაყრილი მათი ნივთები მოწმობს. სერიალის ფინალური სეზონი 14 აპრილს გამოდის. 

წყარო: https://www.youtube.com/

ვეტმომ დემნა გვასალიას შექმნილი ბოლო ზარის პერანგი წარადგინა, მისი ფასი 790 გირვანქა სტერლინგია.

მაისურები და პერანგები ამ დიზაინით ვეტმოს გაზაფხული/ზაფხული 2019-ის კოლექციაშია შესული.

წყარო: https://www.standard.co.uk/

არქეოლოგებმა ქალაქ აბიდოსში, რამზეს II-ის სამარხთან ახლოს, შენობის ნაწილები აღმოაჩინეს, რომელიც სავარაუდოდ ფარაონის სასახლე იყო.

გათხრების დროს არქეოლოგებმა სხვა შენობაში ქვის გასასვლელიც იპოვეს, რომელზეც ისეთივე იეროგლიფები აღმოჩნდა, როგორიც მთავარ ტაძარს აქვს.

წყარო: http://luxortimes.com

4 აპრილიდან კინოთეატრ “ამირანში” ალექსანდრე ქორიძის დოკუმენტური ფილმის, დაწესებულება #16-ის ჩვენება გაიმართება.

ფილმის გადაღებები 2 წლის განმავლობაში რუსთავის #16 ციხეში მიმდინარეობდა და იგი ახალი რაკურსიდან გვიჩვენებს ციხის შიდა ცხოვრებას.

წყარო: https://www.facebook.com/

ლუვრის პირამიდის 30 წლის აღსანიშნავად მუზეუმის წინ უზარმაზარი ოპტიკური ილუზიით შთამბეჭდავი გამოსახულება შექმნეს.

View this post on Instagram

. 🇫🇷 @jr dévoile le secret de la grande Pyramide🔺 _ 👀 Découvrez le collage monumental de JR, en accès libre jusqu’à dimanche soir, et partagez vos photos avec les #30ansPyramide et #JRauLouvre ! ______ 🌍 @jr reveals the secret of the great Pyramid 🔺 _ 👀 You can now discover the monumental work by the artist JR until Sunday night! Share your pictures using the #JRauLouvre and #30ansPyramide _ 📸 ©️JR-ART.net . . . #Louvre #MuseeduLouvre #LouvreMuseum #InstaLouvre

A post shared by Musée du Louvre (@museelouvre) on Mar 30, 2019 at 1:42am PDT

გამოსახულების შექმნას 4 დღე და 400 მოხალისე დასჭირდა. ოპტიკური ილუზია ფრანგ ქუჩის არტისტს, JR-ს ეკუთვნის.

წყარო: https://www.instagram.com/

7 აპრილს მზიურის თავისუფალი ჩვენების სივრცეში 2019 წელს ოსკარზე ნომინირებულ ლიბანურ ფილმს “კაპერნაუმს” აჩვენებენ.

ფილმის რეჟისორი ნადინ ლაბაკია და სიუჟეტი ქუჩაში მცხოვრებ ზაინზეა, რომელსაც ბავშვობა წაართვეს და ძალიან პატარა ასაკიდან  იძულებული გახდა თვითგადარჩენისთვის ებრძოლა.

წყარო: https://www.facebook.com/

ნახეთ: ლას ვეგასის ყველაზე პოპულარულმა შადრევანმა “სამეფო კარის თამაშების” თემატიკაზე ცეკვა შეასრულა.

ოფიციალური ინფორმაციით, ეს შთამბეჭდავი წარმოდგენა  ფინალური სეზონის პრემიერამდე, 14 აპრილამდე, ყოველ საღამოს გაიმართება.

წყარო: https://www.youtube.com