ქართული სოფლების გაქრობის ფოტოქრონიკა ცხინვალის რეგიონიდან – 2008-2015

მოცემული სატელიტური ფოტოები გუგლის (Google Earth) თანამგზავრული რუკების მეშვეობით ზურა ნაცვლიშვილმა (Zura Natsvlishvili) მოიპოვა, ააწყო და ერთმანეთს შეადარა. 

სატელიტური ფოტოები გვიჩვენებს რუსული ოკუპაციის შედეგად 11 წლის განმავლობაში დიდი ლიახვის ხეობაში გამქრალ ქართულ სოფლებს. ესენია: თამარაშენი, ძარწემი, ქვემო და ზემო აჩაბეთი, ხეითი, ქემერტი, ქურთა და კეხვი, რომლებიც რუსულმა ოკუპაციამ მიწისგან აღგავა.

კერძოდ, ოკუპანტებმა 2008 წელს იქიდან ქართველები გამოაძევეს, 2010 წლამდე ყველა სახლი პირწმინდად გაძარცვეს და სახურავები გადახადეს, 2015 წლამდე კი სახლები ძირფესვიანად გააქრეს და შექმნეს შთაბეჭდილება, რომ იქ დასახლება არასოდეს ყოფილა.

კიდევ რამდენიმე წელიწადიც და ნასახლარებს ბალახი დაფარავს, დრო სოფლის ყველანაირ ნიშანწყალს გააქრობს.

იგივე საფრთხე ემუქრება პატარა ლიახვის სოფლებს, სადაც რუსებმა და ოსებმა ყველა სახლი გაძარცვეს,  სახურავები გადახადეს, რათა ისინი ადვილად დაენგრიათ, რის შემდეგაც მათაც მთლიანად გააქრობენ.

ფაქტია – რუსეთი დაუჯერებლად სასტიკია. ის სამაჩაბლოდან ქართველთა ყველანაირი კვალის გაქრობას ცდილობს, მაგრამ მიაღწევს თუ არა ის ამ მიზანს, მნიშვნელოვანწილად ჩვენზეა დამოკიდებული.