Play Video
16 ოქტომბერი დილიდან
დილა მშვიდობისა! დღეს დილიდან გვინდა გაცნობოთ, რომ ოკეანის დაბინძურებასთან გასამკლავებლად, კოკა-კოლამ სანაპიროებზე შეგროვილი პლასტმასის ნარჩენების გადამუშავების შედეგად მიღებული პირველი ბოთლი წარადგინა.
17 ოქტომბერი დილიდან
გააზიარე სტატია
ფრანკფურტის წიგნის ბაზრობაზე საქართველოს ეროვნული სტენდი გაიხსნა.
ვიწყებთ! 💛საქართველოს ეროვნული სტენდი ფრანკფურტის წიგნის ბაზრობაზე რამდებიმე წუთში ბიზნეს საუზმით გაიხსნება 🙂#followthejourneyofgeorgiancharacters
Gepostet von GPBA / საქართველოს წიგნის გამომცემელთა და გამავრცელებელთა ასოციაცია am Dienstag, 15. Oktober 2019
Follow the Journey of Georgian Characters – ამ სლოგანითაა წელს წარმოდგენილი საქართველო და ქართველი ავტორების ახალი წიგნები ფრანკფურტში. ფესტივალი 20 ოქტომბრამდე გაგრძელდება, სადაც უცხოური გამომცემლები ქართულ ლიტერატურას გაეცნობიან.
Asia Pacific Screen Awards-ზე ჯილდოს მოსაპოვებლად ქართული ფილმი, თამარ შავგულიძის “კომეტები” იბრძოლებს.
კინოსურათი საუკეთესო სცენარის ნომინაციაშია წარდგენილი. ფილმი ორი შუახნის ქალის მეგობრობასა და სიყვარულზე მოგვითხრობს.
სოჰოში მდებარე ერთ-ერთმა გალერეამ ქართველი მხატვრის, ლევან ლაღიძის გამოფენას უმასპინძლა
თბილისისა და ლონდონის შემდეგ „ბახის გაკვეთილები “ ნიუ-იორკში ჩავიდა. მანჰეტენზე, სოჰოში მდებარე ერთ-ერთმა გალერეამ ქართველი მხატვრის, ლევან ლაღიძის გამოფენას უმასპინძლა. მხატვარი დამთვალიერებელს ხელოვნებაზე სასაუბროდაც შეხვდა. ვინ არის ნამდვილი მხატვარი, რატომ აკისრია ადამიანს ბედნიერების ვალდებულება და როგორია შეგრძნებები ნიუ-იორკში… ამ და სხვა თემებზე ისაუბრა ხელოვანმა.
წყარო: https://www.amerikiskhma.com
18 ოქტომბერს, 13:00 საათზე, სახვითი ხელოვნების მუზეუმში გაიმართება ქართული კინოინდუსტრიის კონფერენცია, რომელსაც საქართველოს კინოკლასტერი წარმოადგენს.
2016 წლიდან საქართველოში მკვეთრად იზრდება კინოინდუსტრია. ფილმწარმოების ბრუნვამ 2016 წელს 18 მილიონი ლარი შეადგინა, 2017 წელს – 27 მილიონი, 2018 წელს – 38 მილიონი, 2019 წელს კი მოსალოდნელია ბრუნვის გაზრდა 97 მილიონ ლარამდე. შესაბამისად, ღონისძიების ერთ-ერთი მთავარი მიზანი არსებული მდგომარეობის სწორად გაანალიზება, ძლიერი და სუსტი მხარეების გამოვლენა და კინოინდუსტრიის განვითარების სტრატეგიის შემუშავება იქნება.
პანელ დისკუსიაზე ასევე ისაუბრებენ საქართველოში სხვა ქვეყნების ფილმების წარმოების გამოცდილებაზე – “ფორსაჟი 9-ის”, “მზის გოგონების”, მასშტაბური ბრიტანული, ამერიკული და ინდური კინოპროექტების შესახებ.
წყარო: http://beta.gnfc.ge
გუგლმა Pixel-ის ორი განახლებული მოდელი წარადგინა — Pixel 4 და Pixel 4 XL.
ერთ-ერთი სიახლე ის არის, რომ მრავალფეროვნების მოყვარული ადამიანებისთვის ამ სმარტფონის ყიდვა სამ განსხვავებულ ფერში იქნება შესაძლებელი. სმარტფონის შედარებით დიდი ვერსიის, Pixel 4 XL-ის ეკრანი 6,3 ინჩია, მაშინ, როცა მისი მომცრო ვერსია ძველებური ზომის, 5,7-ინჩიანი ეკრანით არის აღჭურვილი.
წყარო: https://www.youtube.com
ლიონელ მესიმ ოქროს ბუცი მეექვსედ მოიგო.
ევროპული ქვეყნების ეროვნული ჩემპიონატების საუკეთესო ბომბარდირის წოდება მას ლა ლიგაში გატანილმა 36-მა გოლმა მოუტანა.
წყარო: https://bleacherreport.com
Play Video
15 ოქტომბერი დილიდან
დილა მშვიდობისა! დღეს დილიდან გაცნობებთ, რომ 2019 წლის ბუკერის პრემია ორ ავტორს გადაეცა. მათ შორის ერთ-ერთია მარგარეტ ეტვუდი და მისი ახალი რომანი - The Testaments.