წლის ნომინაციები


გააზიარე სტატია


“წლის ნომინაციებში” წარმოგიდგენთ იმ  მოვლენებსა და ადამიანებს, რომლებიც 2018 წელს ინტერნეტ-ჟურნალ AT.ge-ში გამოჩნდნენ, სიახლე შეიტანეს ქვეყნის საზოგადოებრივ-კულტურულ ცხოვრებაში და რაც მთავარია, ჩვენი მკითხველის განსაკუთრებული ყურადღება დაიმსახურეს.


წლის ფრაზა: “მოდით, მაშინ დავიწყოთ ბოდიშით. ბოდიში.”

ეს სიტყვა უკვე თვეებია, რაც აღარ გამოხატავს სინანულს ჩადენილის გამო და ის კიდევ ბევრი წლის განმავლობაში ორაზროვან გამოთქმად დარჩება.

 

წლის აქცია: We Dance Together, We Fight Together

ყველაზე დაუვიწყარი და მელანქოლიური დღეები თბილისის რეივის ისტორიაში, რომელმაც მსოფლიოს ათქმევინა – Tbilisi you’re doin’ it right!
ვიდეო: https://www.youtube.com/

 

წლის თემა: მარიხუანას ლიბერალიზაცია

საკონსტიტუციო სასამართლოს გადაწყვეტილებიდან დაწყებული, აქციებზე მოწევით და კანაფის ექსპორტის ინიციატივის ჩავარდნამდე, მწვანე ფოთოლი ჩვენს ქვეყანაში ყველაზე რეზონანსულ მღელვარებებს უკავშირდებოდა, ისევე როგორც სტატიები ამ მცენარესთან დაკავშირებით.

 

წლის მოდის ჩვენება: დემნა გვასალიას SS 2019

გაზაფხული-ზაფხული 2019-ის კოლექცია, რომელიც ერთდროულად იყო სამოსი, შოუ და პოლიტიკური განაცხადი (“იდი ნახუი!”)

 

წლის საუკეთესო დიზაინი: სასტუმრო “სტამბა”

Image result

გამოფენები, პრეზენტაციები, კოქტეილები და – ყველაზე მეტი Check In!

 

წლის კულტურული მოვლენა: ფრანკფურტის წიგნის ბაზრობა 

წიგნის ბაზრობაზე ბევრად უფრო მეტი – ქართული “არტტუსოვკის” ეპიცენტრი რამდენიმე კვირის მანძილზე, სადაც საქართველოთი დაინტერესებულმა ადამიანებმა უცხოეთში ჩვენს შესახებ ბევრი ახალი რამ გაიგეს.

 

წლის გამოფენა: ფიროსმანის გამოფენა ვენაში, ალბერტინას მუზეუმში

საქართველოს საყვარელი მხატვარი ავსტრიის დედაქალაქის მთავარ მუზეუმში მონეს, შაგალის, მუნკისა და პიკასოს გვერდით გამოიფინა.

 

წლის ჯგუფი: KayaKata

ალბათ ყველაზე პროდუქტიული კოლექტივი თანამედროვე ქართულ სცენაზე.

წლის გახმაურებული კლიპი: დეისაძის “ხალხური

ჟურნალის ერთწლიან ისტორიაში დღემდე ერთ-ერთი ლიდერი ნახვების რაოდენობით.


წლის სპორტსმენი: ნომინაციას იყოფენ ტოჩინოშინი, იგივე ლევან გორგაძე (სუმო),  ნიკოლოზ ბასილაშვილი (ჩოგბურთი) და გურამ კაშია (ფეხბურთი).

თითქმის ღმერთი იაპონიაში (გორგაძე) და თითქმის უფლისწული საქართველოში (ბასილაშვილი)

 

წლის ფოტო: სელფი ავარიის შემდეგ

ერთ-ერთი ყველაზე კეთილი და პოპულარული ფოტო ჟურნალის “დღის ფოტოს” რუბრიკაში.


წლის ვიდეო: ხეზე ასული ოპოზიციის აქციის მონაწილე თელავის მისადგომებთან

ვიდეო, რომელიც ქართულ ვიდეოპანთეონში უკვე ოქროს ასოებითაა ჩაწერილი, გვიჩვენებს სადამდე შეიძლება მიიყვანოს ადამიანი ქვეყანაში არსებულმა სიტუაციამ. “ჩემი ხეზე ასვლა იყო სპონტანური!” – ამბობს ეს საყვარელი ადამიანი და მოდით, დავუჯეროთ მას.


წლის სტატუსი: რაგბი, ქალი “კუხნაში” და ტოტო კუტუნიო

მეგობრებო, რადგან ფლორენციაში რაგბზე დასასწრებად ვერ მივდივარ, გადავწყვიტე ჩემი წვლილი შემეტანა ქართველების მიერ…

Gepostet von Sasha Makashvili am Donnerstag, 8. November 2018

სტატუსი ფლორენციიდან – იყო დღეები, როცა ფრანკფურტის მსგავსად, ევროპის ერთ ქალაქში ნახევარი საქართველო შეგეძლოთ გენახათ და ეს საქართველო-იტალიის სარაგბო შეხვედრისას ფლორენციაში ხდებოდა.


წლის ფესტივალი: ანაკლია

   


მაისის საპოლიციო რეპრესიების მიუხედავად, კლაბერები არ დანებდნენ და აგვისტოში სრული მობილიზაციით, ღირსეულად შეხვდნენ ანაკლიის ფესტივალს, რასაც ჩვენთან გამოქვეყნებული Vinda Folio-ს ფოტორეპორტაჟიც ადასტურებდა.

 

წლის საქალაქო პროექტი: გამწვანება დიდი ნერგებით



30-სანტიმეტრიანი ჯოხების ნაცვლად წელს მასიურად პირველად დარგო ქალაქის მერიამ კარგად გაზრდილი და უმეტესად სწორად შერჩეული ხის ნარგავები. იმედი გვაქვს, რომ ეს ტენდენცია 2019-შიც შენარჩუნდება და მას სხვა, საღ აზრთან ახლოს მყოფი ინიციატივებიც დაემატება, განსაკუთრებით სატრანსპორტო და ქალაქგეგმარების სფეროებში.


წლის სტარტაპი: Urban Greens

ბევრ საინტერესო პატარა ბიზნესს შორის, რომლებზეც AT.ge-მ ყურადღება გაამახვილა, Urban Greens იმით გამოირჩევა, რომ მან მიწასთან და ბუნებასთან ურთიერთობა წარმატებულ და მზარდ საქმიანობად აქცია.

 

წლის დასასვენებელი და გასართობი სივრცე: ღვინის ქარხანა N1

Image may contain: outdoor

მულტიფუნქციური სივრცე ქალაქის შუაგულში, ძველი ღვინის ქარხნის ტერიტორიაზე, სადაც დასვენებისა და გართობისთვის ყველაფერია თავმოყრილი: ყვავილების ბაზარი, ღია კინო, რესტორნები, ბარები და კაფეები, კულინარიული სკოლა, ქართველი დიზაინერებისა და პროდუქტის conceptstore, ფიტნეს დარბაზი X Body, თონე, ძველ ღვინის კასრებში გაკეთებული streetfood.


წლის არქიტექტურა: ნომინაციას იყოფენ საცეკვაო დარბაზი ქორეოგრაფ თეა დარჩიას საცეკვაო სტუდიისთვის – სტუდია David Giorgadze Architects და ყავის ქარხანა – Giorgi Khmaladze Architects

Image work detailImage work detail  Image work detail Image work detail

ევროპის არქიტექტურულ პრემიაზე წარდგენილი ეს ორივე პროექტი, სხვა 6-თან ერთად, ნელ-ნელა შეცვლის მოსაზრებას, რომ ქართველ არქიტექტორებს მიშენებული ლოჯიებისა და ყალბი კლასიკური პროექტების მიღმაც დიდი გასაქანი აქვთ.


წლის ინტერვიუ: გია ყანჩელი პროექტში ID

Artarea-სა და AT.ge-ს ეს ერთობლივი პროექტი ყოველთვის საინტერესო სანახავია, განსაკუთრებით კი მაშინ, როდესაც რესპონდენტი ყველა  თაობისა და ასაკის ერთ-ერთი საყვარელი კომპოზიტორია.


წლის ფილმი: ”ნამე”, რეჟისორი ზაზა ხალვაში

მართალია, ეს ახალი ქართული ფილმი “ოსკარების” ნომინანტების მოკლე სიას გამოეთიშა, მაგრამ ეს არ ამცირებს ფილმის მნიშვნელობას და ის მაინც კინოკრიტიკოსებისა და მაყურებლის ფავორიტად რჩება.

 

წლის სპექტაკლი: “დემონები”, რეჟისორი მიშა ჩარკვიანი

Image may contain: one or more people, text and closeup

წლის ერთ-ერთი პოპულარული პიესა სამეფო უბნის თეატრის რეპერტუარში, პიესისთვის გამოყოფილი შედარებით მცირე დროის მიუხედავად, ადამიანური და ცხოველური ემოციების სრულ სპექტრში გაგატარებთ.

 

წლის ანიმაცია – “რეზო”, რეჟისორი ლევან გაბრიაძე

ანიმაციური ფილმი რეზო გაბრიაძის ბავშვობის შესახებ – ლენინი, სტალინი, მოლაპარაკე ბაყაყი და ქუთაისელი ბანდიტები ერთ დიდ ნოსტალგიად ერთიანდება, რომელიც გულგრილს არ დატოვებს არც პატარებს და არც დიდებს.

 

წლის არტისტი თანამედროვე ხელოვნებაში: შოთიკო აფციაური

პუბლიკას თავი დაამახსოვრა ერგნეთის მუზეუმთან კოლაბორაციისას მომზადებული გამოფენით თამაში ჰინომის ველზე“, რომელიც რუსულ ოკუპაციას განიხილავდა. მონაწილეობას იღებდა ასევე გამოფენა Oxygen-ში სადაც წარმოადგინა თავისი ინსტალაცია I WAS SCROLLING DOWN WHEN I WENT INTO A VOID.


წლის ღონისძიება/გამოფენა: ნომინაცია გაიყვეს Tbilisi Art Fair-მა (TAF) და Oxygen – No Fair-მა  

ეს ორი ღონისძიება ქალაქში ერთდროულად ჩატარდა და თანაბრად დიდი ინტერესი გამოიწვია – “ექსპო ჯორჯიასა” და სასტუმრო “სტამბაში” ორივე ღონისძიების მიზანს თანამედროვე არტ-სცენის განახლება და განვითარება წარმოადგენდა.


წლის კულტურული მემკვიდრეობის ძეგლი: ნიკორწმინდის რელიეფები

წელს ნიკორწმინდის ეკლესიის ფასადზე საკონსერვაციო სამუშაოებისას ამ დრომდე უცნობი რელიეფის უნიკალური ნაშთები გამოვლინდა. ქვაში ნაკვეთი ფრაგმენტები ტაძრის გუმბათის ყელის ქვედა ნაწილში მიმდინარე კონსერვაციის დამასრულებელი ფაზის სამუშაოებისას აღმოაჩინეს.

 


რეკომენდებული სტატიები
ანაკლია რეივერის თვალებით: ფესტივალზე ნისლი ჩამოწვა

ანაკლია რეივერის თვალებით: ფესტივალზე ნისლი ჩამოწვა

ანაკლია რეივერის თვალებით: ფესტივალზე ნისლი ჩამოწვა
ანაკლიის ფესტივალი Echowaves დასასრულს უახლოვდება. გთავაზობთ Vinda Folio-ს გადაღებულ ფოტოებს ფესტივალის ნისლიანი სანაპიროდან.
დემნა გვასალიას Vetements ჩვენება- პერსონალური და პოლიტიკური განაცხადი

დემნა გვასალიას Vetements ჩვენება- პერსონალური და პოლიტიკური განაცხადი

დემნა გვასალიას Vetements ჩვენება- პერსონალური და პოლიტიკური განაცხადი
თანამედროვეობის ყველაზე ცნობილი ქართველის ,დემნა გვასალიას Vetements-ის მორიგი ჩვენება, თუ პერსონალური და პოლიტიკური განაცხადი?! ვეტმო აქვეყნებს app-ს, რომელიც მსოფლიოს საქართველოს უახლეს ისტორიას აცნობს.
ფიროსმანის გამოფენა ვენაში, ალბერტინას მუზეუმში მიმდინარეობს
Play Video

ფიროსმანის გამოფენა ვენაში, ალბერტინას მუზეუმში მიმდინარეობს

ფიროსმანის გამოფენა ვენაში, ალბერტინას მუზეუმში მიმდინარეობს
26 ოქტომბრიდან 27 იანვრის ჩათვლით ვენა, ალბერტინას მუზეუმი, ნიკო ფიროსმანის გამოფენას მასპინძლობს, რომელიც მუზეუმის პირველ სართულზე, სამ დარბაზშია წარმოდგენილი
სუმოს ქართული შტურმი

სუმოს ქართული შტურმი

სუმოს ქართული შტურმი
იმის შესახებ თუ რა გზა გაიარა ქართულმა სუმომ და მისმა ფანებმა დღევანდელ წარმატებამდე, ასევე როგორ უნდა გავშიფროთ სპორტის ამ სახეობის ყურისთვის მიუჩვეველი ტერმინოლოგია
ნიკოლოზ ბასილაშვილი ქართული ჩოგბურთის ისტორიის წერას განაგრძობს

ნიკოლოზ ბასილაშვილი ქართული ჩოგბურთის ისტორიის წერას განაგრძობს

ნიკოლოზ ბასილაშვილი ქართული ჩოგბურთის ისტორიის წერას განაგრძობს
ირაკლი ლაბაძის შემდეგ, ნიკა გახდა პირველი ქართველი ჩოგბურთელი, რომელიც დიდი სლემის ტურნირის 1/8 ფინალში გავიდა
ქოთნიდან თეფშზე - ყველაზე ჯანსაღი მიკრომწვანილები საქართველოდან

ქოთნიდან თეფშზე - ყველაზე ჯანსაღი მიკრომწვანილები საქართველოდან

ქოთნიდან თეფშზე - ყველაზე ჯანსაღი მიკრომწვანილები საქართველოდან
თბილისში ორმა გოგომ - ტუსა ღარიბაშვილმა და ქეთა ბეჟიტაშვილმა, რომლებიც განათლებით არც აგრონომები არიან და არც ბიოლოგები, გადაწყვიტეს პატარა ექსპერიმენტი ჩაეტარებინათ და ძალიან მცირე ტერიტორიაზე მიკრომწვანილი მოიყვანეს
გია ყანჩელის ID
Play Video

გია ყანჩელის ID

გია ყანჩელის ID
at.ge -სა და Artarea-ს ერთობლივი პროექტის , ID სტუმარია- ჩვენი თანამედროვეობის ყველაზე ცნობილი და გამორჩეული კომპოზიტორი გია ყანჩელი
Golden Globe Awards კინორეჟისორ ზაზა ხალვაშის ფილმ „ნამეს“ შესახებ
Play Video

Golden Globe Awards კინორეჟისორ ზაზა ხალვაშის ფილმ „ნამეს“ შესახებ

Golden Globe Awards კინორეჟისორ ზაზა ხალვაშის ფილმ „ნამეს“ შესახებ
Golden Globe Awards ქართველი კინორეჟისორის - ზაზა ხალვაშის ფილმ “ნამეს” შესახებ წერს. ხალვაშის ფილმი, მსოფლიოს ამ ერთ-ერთ მნიშვნელოვან დაჯილდოვებაზე, უცხოური ფილმების კატეგორიაშია წარდგენილი.
ფინალური, ემოციური და საბოლოო თამაში ჰინომის ველზე

ფინალური, ემოციური და საბოლოო თამაში ჰინომის ველზე

ფინალური, ემოციური და საბოლოო თამაში ჰინომის ველზე
მოსკოვში მიმდინარე მსოფლიო ჩემპიონატის ფინალური მატჩის პარალელურად, თბილისში, ჭავჭავაძის 52-ში შედგა შოთიკო აფციაურის გამოფენა - “თამაში ჰინომის ველზე“, რომელიც რუსულ ოკუპაციას განიხილავდა
Oxygen_No Fair - ბარიერებიდან თავისუფლებამდე

Oxygen_No Fair - ბარიერებიდან თავისუფლებამდე

Oxygen_No Fair - ბარიერებიდან თავისუფლებამდე
ის, რაც პირველ რიგში გამოარჩევს Oxygen-ს, ეს მრავალფეროვნებაა, რომელიც ხელოვანთა დემოგრაფიულ მახასიათებლებში, მათ გამოცდილებებსა და მედიუმებში ვრცელდება
მიიღე ყოველდღიური განახლებები!
სიახლეების მისაღებად მოგვწერეთ თქვენი ელ.ფოსტა.