დილიდან

დილა მშვიდობისა! რამდენიმე საათის წინ ყველა დროის ყველაზე პოპულარული სერიალი “სამეფო კარის თამაშები” დასრულდა და სამუდამოდ დაემშვიდობა მაყურებელს. ახლა სამყარო GOT-ის პრიქველების მოლოდინშია. მანამდე კი გაგვიზიარეთ თქვენი შთბეჭდილებები შოუს ფინალთან დაკავშირებით.

დილა მშვიდობისა! დღეს, 17 მაისს მთელი მსოფლიო ჰომოფობიასთან ბრძოლის საერთაშორისო დღეს აღნიშნავს. სწორედ ამ პერიოდს დაემთხვა პირველი ქართული გეი დრამის - And Then We Danced-ის პრემიერა კანში. ფილმის დასრულების შემდეგ დარბაზი შემოქმედებით ჯგუფს აპლოდისმენტებითა და დიდი ოვაციით შეეგება.

დილა მშვიდობისა! დღევანდელი დილა ბევრი საინტერესო ამბით არის დატვირთული. მაგალითად, იცოდით, რომ GOT-ის შემქმნელებმა სერიალის შესახებ დოკუმენტური ფილმი გადაიღეს?! რაღას უცდით, სასწრაფოდ ნახეთ საკულტო შოუზე შექმნილი ფილმის პირველი ტრეილერი. 

დილა მშვიდობისა! სამწუხაროდ, დღევანდელ დილას კარგი ამბით ვერ ვიწყებთ - როგორც აღმოჩნდა, ოთო ნემსაძის მიერ შესრულებული სიმღერა “სულ წინ იარე” ევროვიზიის მაყურებელს დიდად არ მოეწონა, შესაბამისად ის ფინალში ვერ გადავიდა და საქართველო წელს კონკურსს გამოეთიშა. 

დილა მშვიდობისა! ქართველი დიზაინერები რომ ნელ-ნელა იპყრობენ მსოფლიოს, ეს ახალი ამბავი აღარ არის, თუმცა დღეს ამის კიდევ ერთ მაგალითს გიჩვენებთ, რომლის მთავარი გმირები მაილი საირუსი და გიორგი ქებურია არიან.

დილა მშვიდობისა! დილიდან უყურეთ “ბასიანის” დარბევის შესახებ გადაღებული დოკუმენტური ფილმის ტრეილერს და დაათვალიერეთ 61 წლის ლეგენდარული მსახიობის, შერონ სტოუნის ახალი ფოტოსესია ჟურნალ Vogue-სთვის.

დილა მშვიდობისა! დღეს დილიდან ნახეთ პირველი ქართული ლგბტ ფილმის ტრეილერი. ფილმის რეჟისორია ლევან აკინი, მსოფლიო პრემიერა კი 16 მაისს კანის კინოფესტივალზე შედგება.

დილა მშვიდობისა! დღეს დილიდან კარგი ამბავი გვაქვს თქვენთვის: თბილისს ჰოლივუდის ვარსკვლავი, რომანტიკული კომედია One Day-ის მსახიობი ჯიმ სტარჯესი სტუმრობს. თუმცა, ის ერთადერთი ვარსკვლავი არაა, რომელიც ამჟამად ჩვენს დედაქალაქში, გადასაღებ მოედანზე იმყოფება.

დილა მშვიდობისა! დილიდან შეგახსენებთ, რომ “სამეფო კარის თამაშების” ფინალური სეზონის დასრულებამდე სულ ორი სერია დარჩა და კიდევ უფრო აქტუალურია კითხვა - ბოლოს და ბოლოს, ვინ დაიკავებს რკინის ტახტს?! როგორც აღმოჩნდა, მწერალ სტივენ კინგს შვიდი სამეფოს სამართავად უკვე შერჩეული ჰყავს თავის ფავორიტი და ის არც დეინერის ტარგარიენია, არც ჯონ სნოუ და არც რომელიმე სტარკი.

დილა მშვიდობისა! აღმოჩნდა, რომ მსოფლიოს 50 ქვეყნიდან საქართველო ფეისბუქზე HaHa რეაქციის გამოყენების სიხშირით 44-ე ადგილზეა. სწორედ ამიტომ ყველამ ერთად “დავგულოთ” ეს პოსტი და ვცადოთ, მომდევნო წლის სტატისტიკაში საქართველო იმ ქვეყნების სიაში შევიყვანოთ, სადაც გულის რეაქციას ყველაზე ხშირად იყენებენ.

დილა მშვიდობისა! დილიდან ბევრი სიახლე გვაქვს თქვენთვის სათქმელი. მათ შორის ისიც, რომ გამოვიდა Vetements-ის ახალი აპლიკაცია, რომელიც აფხაზეთის ოკუპაციაზე მოგვითხრობს.

დილა მშვიდობისა! დღეს გაზაფხულის კიდევ ერთი, ბოლო თვე დაიწყო. პირველ მაისს კი აუცილებლად უნდა დაათვალიეროთ კიანუ რივზის ახალი ფოტოები, რომელიც შეუდარებელმა მსახიობმა ივ სენ ლორანის კამპანიის ფარგლებში გადაიღო.